KKN harita

Keur leutik baheula sok bungah kacida mun ngadenge warta yen bakal aya nu KKN ka desa. Kuliah Kerja Nyata cenah ceuk batur mah da puguh harita can ngarti naon maksudna. Ngan apal teh mun aya nu KKN, sa-desa bakal rame ku mangrupa-rupa kagiatan. Beberesih, lomba-lomba, jeung sajabana. Sanajan beda nu KKN beda deui sarupaning program nu diayakeun.

Teu budak teu kolot, sarerea sok atoh mun kadatangan mahasiswa nu KKN ka imahna. Atuh sok rea nu sirik pedah eta mahasiswa teh ngendong di imah pa Lurah atawa imah warga nu deukeut jeung bale desa. Ti ditu na mah hayang pisan diendongan ku mahasiswa nu ti dayeuh teh, nu luhur elmuna, nu santun paripolahna nu nyaangan desa nu keur surem hieum.

Nu ti Institut Keguruan Ilmu Pendidikan( IKIP ayeuna UPI), ti Universitas Padjadjaran (UNPAD), Akademi Seni Tari Indonesia (ASTI), STPDN jeung sajabana ngadon praktek bari ngabagi sarupaning elmu nu geus diajarkeun di kampusna. Biasana maranehna datang dua atawa tilu bulan saacan agustusan. Jadi malem 17 Agustus kadang ahir agustus teh sok rame kusabab jadi malem paturay tineung atawa malem perpisahan jeung mahasiswa eta.

senam tari KKN ASTI

Atuh barudak ti sore keneh geus ngumpul da rek ngantri didarangdanan. Minangka artis sapeuting rek tampil naon anu geus diajarkeun ku sakabeh mahasiswa. Aya nu jaipongan, nu nyanyi, nu ngabodor, tah mun kuring mah biasana kabagean maca sajak jeung saritilawah. Ngan basa nu KKN ti ASTI kuring diajak tari tapi senam, senam tapi tari, katelahna mah senam tari. Gerakanna sederhana teu loba gaya, dungdak dengdek ka kenca ka katuhu. ^^.

Bale desa harita pinuh ku masyarakat ti sababaraha dusun. Hiburan nu disuguhkeun ku barudakna, ku adi-adina, atawa incu-incu na mawa kasenangan tur kenang-kenangan pikeun balarea. Sanajan teu lila eta nu KKN di desa tapi teu saeutik nu masih keneh inget jeung rea nu boga cita-cita isuk pageto barudakna, incu-incuna bisa ngalaman jadi mahasiswa.

Iklan

4 Comments Add yours

  1. yisha berkata:

    ya ampun kaka, kaka ngomong apa…….??????? 😕

    1. itatea berkata:

      waddooh pada gak ngerti ya..^^
      ni juga bingung nulisnya, yisha

  2. muhyasir berkata:

    Bisa di translate?? hehe…

    1. itatea berkata:

      ada biaya tambahan, mas yasir
      hehe

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s